Нисдэг такси нь дөрөв хүртэл зорчигч авч авах боломжтой. Уг такси 250 км хол нисэх боломжтой бөгөөд хамгийн дээд хурд нь 200 км/цаг гэнэ. Уг төхөөрөмж нь босоо тэнхлэгт шилжихэд шаардлагатай арван цахилгаан мотороор тоноглогдсон, хэвтээ нислэгийн хувьд сүүлний цахилгаан мотор ашигладаг ажээ. Prosperity-ийг нэрт дизайнер Фрэнк Стивенсон зохион бүтээжээ. Тэрээр Fiat 500, BMW X5, мөн Ferrari, Maserati, McLaren зэрэг машинуудыг зохион бүтээсэн хүн юм байна.

Одоогоор AutoFlight арилжааны зорилгоор нисэх зөвшөөрөлгүй байна. Эрх баригчид түүний нисэх зөвшөөрлийг 2026 онд гаргах төлөвтэй байна. Prosperity жилдээ 300 мянга хүртэлх нислэг хийнэ гэж үйлдвэрлэгч үзэж байна. Агаарын такси нь зорчигч тээвэрлэхээс гадна логистик, яаралтай тусламжийн үйлчилгээнд ашиглагдах гэж байна. Бүс нутгийн томоохон агаарын тээвэрлэгч Heli-Eastern нь AutoFlight-тай 100 төхөөрөмж нийлүүлэх гэрээнд аль хэдийн гарын үсэг зурсан байна. Энд байгаа видео бичлэгийг үзээрэй.