Миний бие энэ зуны дэлгэр цагаа ашиглан төрсөн нутгаараа очоод ирлээ. Говь-Алтай аймгийн Шарга сумын ард иргэд 7 дугаар сарын 10-ны өдөр Тулгар төрийн 2232, Их Монгол улсын 817, Үндэсний эрх чөлөө, Тусгаар тогтнолоо сэргээн мандуулсны 112, ардын хувьсгалын 102 жилийн ойн Үндэсний Их Баяр наадмаа тэмдэглэж байх үеэр бид тэнд байж таарлаа.
Миний бие сумын удирдлагын урилгаар наадмын нээлтэд оролцож, нутгийн зон олондоо баярын мэндчилгээ дэвшүүлэв. Мөн нутаг орондоо очсон боломжийг ашиглан сумын номын санд монгол болон гадаад хэлээр хэвлэгдсэн улс төр, гадаад харилцаа, уран зохиолын 50 гаруй номыг бэлэглэв. Би номоо Шарга сумын засаг дарга А.Алтангэрэл, ИТХ-ын дарга М.Төртулга нарт ёслол төгөлдөр гардуулж өглөө.
2014 онд Шарга сум байгуулагдсаны 90 жилийн ойд очиж оролцсоноос хойш 9 жил өнгөрчээ. Эцгийн гэрийн бууринд очиж хүндэтгэл үзүүлж, сумын төвийн байдалтай танилцаж, төрөл садан, ах дүүсээр зочилж, Рашаант, Овооны ар зэрэг газруудаар орлоо. Нутгийн агаар, салхи эрч хүч нэмсэн гэсэн сэтгэгдэлтэйгээр буцаж ирлээ.
Сумын засаг дарга А.Алтангэрэл, ИТХ-ын дарга М.Төртулга нарт номоо гардуулж байгаа нь
Нагац эгч Гачил нарын нутгийн ах дүүсийн хамт
Миний сурч байсан 10 жилийн сургууль
Аймгийн төвийн байдал