Хятадын хэсэг эрдэмтэд Хятадын хурдны галт тэрэгний сүлжээг бүхэлд нь өөрчлөх төслийг танилцуулжээ. Далавч нь галт тэрэгний хурдыг 30% -иар нэмэгдүүлж, эрчим хүчний алдагдлыг багасгах ажээ.
Одоогоор Шанхай хотод Маглев (Magnetic levitation) супер галт тэргийг “Пудун”-ны нисэх онгоцны буудлаас Лонган метроны эцсийн буудал хүртэл 30 км замд ашиглаж байгаа бөгөөд энэхүү галт тэрэг нь 431 км/цагийн дээд хурдтай юм байна.
Хятадын ердийн төмөр замд өндөр хурдны галт тэрэг 350 км/цаг хурдалдаг ажээ. Эрдэмтэд одоо хаа сайгүй хурдыг нэмэгдүүлж, хөдлөх бүрэлдэхүүний аэродинамикийг оновчтой болгохыг санал болгосон байна.
Анх удаа далавчтай галт тэрэгний тухай ойлголтыг Япончууд 1980-аад онд гаргаж байсан ч хэрэгжүүлж чадаагүй юм байна.
Чэндугийн аэродинамик ба гидродинамикийн инновацийн төвөөс хэрэгжүүлж буй төсөл нь тэрэг тус бүр дээр таван хос жижиг далавч нэмэх санаатай юм байна. Ийм галт тэрэг нь хурдыг 450 км / цаг хүртэл нэмэгдүүлнэ гэж тооцоолжээ. Хаалтаас үүссэн өргөлт нь дугуй болон замын элэгдлийг бууруулах бөгөөд хамгийн чухал нь үрэлт багатай тул эрчим хүчний зардлыг багасгах ажээ.
CNN агентлагийн мэдээлснээр шинэ галт тэрэг цагт 600 километрийн хурдтай явах боломжтой гэнэ. Энэ нь соронзон галт тэрэгний хувьд хамгийн өндөр хурдны үзүүлэлт юм.
Маглев галт тэрэг нь цахилгаан соронзон орны нөлөөгөөр явах бөгөөд хөдөлгөөний явцад галт тэрэгнүүд замд хүрдэггүй, зөвхөн тоормослоход аэродинамик таталт үүсдэг гэнэ.
Маглев галт тэрэгний хурдны дээд амжилт нь 2015 онд Токио, Нагоягийн хоорондох маршрутын туршилтын хэсэгт туршсан Японы Маглев галт тэрэг ажээ. Туршилтын үеэр галт тэрэг цагт 603 километр хүртэл хурдалсан байна. Ийм галт тэрэг 2027 оноос үйлчилж эхлэх төлөвтэй байна.